மது போதைக்கு எதிர்ப்பு தெரிவித்து "கிராமத்தைப் பாதுகாப்போம்"  எனும் தொனிப் பொருளில்  நற்பிட்டிமுனை கிராமத்தில் பூரண கடையடைப்புடன்  போதையொழிப்பு விழிப்பு ஊர்வலமும் ,மாநாடும்  நற்பிட்டிமுனை ஜும்மாபள்ளிவாசல் நம்பிக்கையாளர் சபை ஏற்பாட்டில் அனைத்து பள்ளிவாசல் சம்மேளனமும் ,உலமா சபையினரதும் பங்களிப்புடன்  நடை பெற்றது .

நேற்று செவ்வாய்க்கிழமை (30) காலை  நற்பிட்டிமுனை ஜும்மா பள்ளிவாசல் முன்பாக கூடிய கிராம பாடசாலை மாணவர்களும் , ஊர் மக்களும்  அங்கிருந்து கிராமம் முழுவதுமாக  பதாதைகளை ஏந்தியவாறு  கோஷங்களுடன் ஊர்வலமாக சென்றனர் . மாணவர்களினால் ஏற்பாடு செய்யப்பட்ட போதை ஒழிப்பு வீதி நாடகங்களும் இடம் பெற்றன .

இதற்கு  ஆதரவு தெரிவித்து நற்பிட்டிமுனை கிராமத்தில் வர்த்தக நிலையங்கள் ,பொது சந்தை முற்றாக மூடப் பட்டு பொது  மக்களும் இந்த விழிப்புணர்வு ஊர்வலத்தில் கலந்து கொண்டனர் 



கருத்துரையிடுக

 
Top