(பி.எம்.எம்.ஏ.காதர்)
மருதமுனை எம்.எம்.நௌபல் எழுதிய கவிதைகளின் தொகுப்பான “மிதக்கும் கனவுகள்”நூல் வெளியீட்டு நிகழ்வு  நாளை மறுதினம் (18-10-2015)ஞாயிற்றுக்கிழமை காலை 9.30 மணிக்கு மருதமுனை பொது நூலக மண்டபத்தில் நடைபெறவுள்ளது.
ஓய்வூ பெற்ற கல்விப் பணிப்பாளர் மர்ஹூம் ஏ.எச்.எம்.மஜீட்; நினைவரங்கில் உதவிக் கல்விப் பணிப்பாளர் சத்தார் எம். பிர்தௌஸ் தலைமையில் நடைபெறவுள்ள இந்த நிகழ்வில் அதிதிகளாக கலாநிதி ஏ.ஏ.முகம்மது நுபைல்,கலாநிதி எம்.பி.எம்.இஸ்மாயில் ஆகியோர் கலந்து கொள்ளவுள்ளனர்.

இந்த “மிதக்கும் கனவுகள்”கவிதை நூலைப் பற்றி எழுத்தாளர்களான அலறி,விஜிலி,அறநிலா,மலரா,சுல்பிகாசரீப்,முரளீஸ்வரன், சோலைக்கிளி, கலாநிதி றமீஸ் அப்துல்லாஹ் ஆகியோர் பேசவுள்ளனர்.முதல் பிரதியை கல்முனை பிரதேச செயலக சிரேஷ்ட முகாமைத்துவ உதவியாளர் எஸ்.எம்.றபாய்டீன் பெறவுள்ளார்.
சிறப்புப் பிரதிகளை ஆசியா மன்றத்தின் நிகழ்ச்சித் திட்ட அதிகாரி எம்.ஐ.எம்.வலீத்,ஹென்டி கெப் சர்வதேச தொண்டு நிறுவனத்தின் மட்டக்களப்பு பிராந்தியப் பொறுப்பாளர் ஏ.ஜி.கலீலுர் றகுமான் ஆகியோரும்,மர்ஹூம் ஏ.எச்.எம்.மஜீட், நினைவுப் பிரதியை கல்முனை பிரதேச செயலக கிராம அபிவிருத்தி உத்தியோகத்தர் எம்.ஐ.எம்.முகர்ரப்பும் பெறவு ள்ளனர்.   

கருத்துரையிடுக

 
Top