உத்­தேச தேர்தல் மறு­சீ­ர­மைப்பு சட்­ட­மூ­லத்தில் எமது திருத்­தங்கள் ஏற்­றுக் கொள்­ளப்­ப­டா­விட்டால் சட்­ட­மூ­லத்தின் மீதான வாக்­கெ­டுப்பை நாங்கள் பகிஷ்­க­ரிப்போம். சிறு­பான்மை கட்­சி­களும், சிறு கட்­சி­களும் ஒன்­றி­ணைந்து பல சுற்றுப் பேச்சு­வார்த்­தை­களை நடத்தி சிறு­பான்­மை­யி­னரின் பிர­தி­நி­தித்­துவம் பாதிக்­கப்­ப­டாமல் திருத்­தங்­களை முன்­வைத்­துள்ளோம் என்று ஸ்ரீலங்கா முஸ்லிம் காங்­கி­ரஸின் பொதுச் செய­லா­ளரும், சுகா­தார இரா­ஜாங்க அமைச்­ச­ரு­மான எம்.ரீ. ஹச­னலி வீர­கே­சரி வார வெளி­யீட்­டுக்கு வழங்­கிய செவ்­வியில் தெரி­வித்தார்.
அவர் வழங்­கிய செவ்வி முழு­மை­யாக கீழே தரப்­ப­டு­கின்­றது.
கேள்வி: தேர்தல் மறு­சீ­ர­மைப்பு உள்­ள­டக்­கப்­பட்ட 20ஆவது அர­சி­ய­ல­மைப்பு திருத்தச் சட்­ட­மூ­லத்தின் உத்­தேச வரைபை ஸ்ரீலங்கா சுதந்­திரக் கட்சி முன்­வைத்­துள்­ளது. அதில் 238 பாரா­ளு­மன்ற உறுப்­பி­னர்கள் தொகுதி முறை­யிலும் தெரிவு செய்­யப்­ப­ட­வுள்­ள­தாக தெரி­விக்­கப்­பட்­டுள்­ளது. இது தொடர்­பாக ஸ்ரீலங்கா முஸ்லிம் காங்­கி­ரஸின் நிலைப்­பாடு என்ன?
பதில்: தேர்தல் முறை மாற்றம் சம்­பந்­த­மாக சிறு­பான்மைக் கட்­சிகள் பாரா­ளு­மன்­றத்­தி­லுள்ள எல்­லாத்­த­ரப்பும் சிங்­கள, முஸ்லிம்,தமிழ் கட்­சிகள், இனம் சம்­பந்­த­மான கட்­சிகள், ஜாதிக ஹெல உறு­மய போன்ற கட்­சிகள் அனைத்தும் ஒன்­றி­ணைந்து மூன்று கூட்­டங்­களை தேர்தல் மறு­சீ­ர­மைப்பு தொடர்­பாக நடத்­தி­யுள்ளோம். அந்தக் கூட்­டத்தில் நாங்கள் எடுத்த முடிவு என்­ன­வென்றால், எந்த தேர்தல் முறை அமு­லுக்கு வந்­தாலும் சிறு­பான்மைக் கட்­சிகள் கொடுக்­கின்ற ஆலோ­ச­னைகளை, சிபா­ரி­சு­களை ஏற்­றுக்­கொள்ள வேண்டும். இதில் எந்த தனிப்­பட்ட நோக்­கங்­களும் இல்லை. இதை ஏற்­றுக்­கொள்­ளா­விட்டால் நாங்கள் அதை முற்­றாக நிரா­க­ரிப்போம். எங்­க­ளு­டைய பிர­தி­நி­தித்­துவம் பாரா­ளு­மன்­றத்தில் உறு­திப்­ப­டுத்­தப்­பட வேண்டும். ஜனா­தி­பதி மைத்­தி­ரி­பால சிறி­சே­ன­வி­னதும் பிர­தமர் ரணில் விக்­கி­ர­ம­சிங்­க­வி­னதும் எதிர்­ பார்ப்பு சிறு­பான்­மைக்­கட்­சி­களின் பிர­தி­ நி­தித்­துவம் பாரா­ளு­மன்­றத்தில் பாது­காக்­கப்­பட வேண்டும் என்­ப­தே­யாகும். ஏனெனில், அவர்கள் எமது நாட்டில் இரு தசாப்­தங்­க­ளுக்கு மேல் நடை­பெற்ற யுத்­தத்­திற்கு காரணம் சிறு­பான்மை மக்­களின் உரி­மைகள் பறிக்­கப்­பட்டமையே என்று நன்கு விளங்­கிக்­கொண்­டுள்­ளார்கள்.
கேள்வி: நீங்கள் தனி­யாக ஒரு தேர்தல் மறு­சீ­ர­மைப்பு தொடர்­பாக சிபா­ரிசு திட்­ட­மொன்றை முன்­வைத்­துள்­ளீர்­களா?
பதில்: நாங்கள் தனி­யாக ஒரு சிபா­ரிசு திட்­டத்தை முன்­வைக்­க­வில்லை. ஏனெனில், தெற்­கி­லுள்ள சிங்­க­ள­வர்கள் அதை வித்­தி­யா­ச­மாக பார்ப்­பார்கள். எனவே பிர­தான கட்­சிகள் முன்­வைக்கும் திட்­டத்தில் நாங்கள் திருத்­தங்­களை முன்­வைப்போம். அவர்கள் முன்­வைக்கும் திட்­டத்தை நாங்கள் நன்கு ஆராய்ந்து அதில் சிறு­பான்மை நல­னுக்­கான திருத்­தங்­களை முன்­வைப்போம். அதில் 50 தொகு­தி­வாரி, 50 விகி­தா­சார முறை கொண்ட தேர்தல் மறு­சீ­ர­மைப்பு ஒன்றை எதிர்­பார்க்­கின்றோம். அவற்றில் சிறு­பான்மை சமூ­கங்­களை பாது­காக்கும், மக்கள் தொகைக்கு ஏற்ற பிர­தி­நி­தித்­து­வத்தை வழங்கக் கூடிய முறை­யொன்றே எங்­க­ளுக்கு வேண்டும். 10 சத­வீதம் முஸ்­லிம்கள் இந்த நாட்டில் வாழ்ந்தால் 25 உறுப்­பி­னர்­களை தெரிவு செய்யும் வாய்ப்பு அவர்­க­ளுக்கு இருக்க வேண்டும்.
கேள்வி: ஸ்ரீலங்கா சுதந்­திர கட்­சியின் சிபா­ரிசு திட்­டத்தை நீங்கள் ஆராய்ந்­தீர்­ களா?
பதில்: இல்லை. அது இன்னும் ஆலோ­சனை மட்­டத்தில் தான் இருக்­கின்­றது. எங்­க­ளிடம் இன்னும் வர­வில்லை.
கேள்வி: அப்­ப­டிப் ­பார்க்கும் போது தேர் தல் மறு­சீ­ர­மைப்பு திட்டம் நிறை­வேற்­றப்­பட இன்னும் தாம­த­மா­கு­மல்­லவா?
பதில்: இல்லை. இதில் இரண்டு வித­முள்­ளது. இருக்­கின்ற எல்­லை­களை மீள் நிர்­மாணம் செய்­வது என்றால் நீண்ட காலம் எடுக்கும். ஆனால், அந்த எல்­லை­களை தொடாமல் இருக்­கின்ற எல்­லை­களில் உறுப்­பி­னர்கள் தொகை அதி­க­ரிப்­ப­தற்கு இரண்டை தொகுதி முறை,அல்­லது மூன்று உறுப்­பி­னர்­களைக் கொண்ட தொகுதி ஆகி­ய­வற்றை உரு­வாக்க முடியும். அது இல்­லாமல் 14ஆவது திருத்த சட்­ட­மூ­ல­மொன்றை முன்னர் கொண்டு வந்­தார்கள். அதா­வது, வல­யங்கள் அமைப்­பினை கொண்டு வரு­வதன் மூலம் பழைய அமைப்­பு­களில் கை வைக்­காமல் தேர்தல் முறைமையை மாற்­றலாம். எனவே, எது வந்­தாலும் எங்­க­ளு­டைய பிர­தி­நி­தித்­து­வத்தை உறு­திப்­ப­டுத்தும் வகையில் சிறு­பான்மை கட்­சிகள் ஒன்­றி­ணைந்து திருத்­தங்­களை முன்­வைப்போம்.
கேள்வி: 100 நாள் வேலைத்­திட்­டத்தில் கிழக்கில் அப­க­ரிக்­கப்­பட்ட முஸ்­லிம்­களின் காணிகள் தொடர்­பாக பிர­தமர் ரணில் விக்­கி­ர­ம­சிங்க செய­ல­ணி­யொன்றை அமைப்­ ப­தாக உறு­தி­ய­ளித்­தி­ருந்தார். அந்த செய­லணி அமைக்­கப்­பட்டு விட்­டதா? முஸ்­லிம்­களின் காணிகள் மீளக்­கை­ய­ளிக்­கப்­பட்டு விட்­டனவா?
பதில்: இந்த 100 நாள் திட்­டத்தில் எல்லாப் பிரச்­சி­னை­க­ளுக்கும் முழு­மை­யான தீர்­வினை எட்ட முடி­யாது. அதா­வது சில பிரச்­சி­னை­க­ளுக்­கான தீர்­வு­களை எட்­டு­வ­தற்கு ஒரு ஆரம்பம் தான் இந்த 100 நாள் திட்­டத்­துக்குள் நடை­பெற்­றுள்­ளது. அந்த வகையில் கிழக்கு மாகா­ணத்­தி­லுள்ள முஸ்­லிம்கள், வட மாகா­ணத்­தி­லுள்ள முஸ்­லிம்­களின் காணி விட­யங்­களில் பூர­ண­மான ஒரு ஆவ­ணத்தை தயா­ரித்­துள்ளோம். இந்த ஆவ­ணத்தில் 14 கண்­டங்கள் இருக்­கின்­றன. ஒரு கண்­டத்தில் 3,000 முதல் 4,000 ஏக்கர் வரை­யான விப­ரங்கள் இருக்­கின்­றன. இந்த ஆவ­ணத்தை நாங்கள் பிர­தமர் ரணில் விக்­கி­ர­ம­சிங்­க­விடம் ஒப்­ப­டைத்­துள்ளோம்.
அத்­துடன் 100 நாள் வேலைத்­திட்­டத்தின் கீழ் இதையும் சேர்ந்துக் கொள்ளும் படியும் வேண்­டுகோள் விடுத்­தி­ருந்தோம். அதற்கு அவர் இந்தக் காணிப் பிரச்­சி­னை­களை தீர்ப்­ப­தற்கு தனி நபர் ஆணைக்­கு­ழு­வொன்றை அமைத்­துள்­ள­தாக தெரி­வித்தார். இந்த தனி நபர் சந்­தி­ரிகா பண்­டா­ர­நா­யக்க குமா­ர­துங்க ஆவார். இவர் இப்­போது வட மாகா­ணத்­தி­லுள்ள காணிகள் தொடர்­பாக கவ­னத்தை செலுத்தி வரு­கின்றார்.
இந்த நட­வ­டிக்கை முடி­வ­டைந்த பின்னர் கிழக்கு மாகாண காணிகள் தொடர்­பாக நட­வ­டிக்கை மேற்­கொள்­வ­தாக அவர் தெரி­வித்தார். இதற்­கி­டையில் ஹிங்­கு­ரான சீனித் ­தொ­ழிற்­சாலை பிரச்­சி­னை­யொன்று எமது விவ­சா­யி­களை பாதித்­துள்­ளது. இந்த விவ­சா­யி­களை கரும்புச் செய்கை மேற்­கொள்ளும் படி அதி­கா­ரிகள் வற்­பு­றுத்தி வரு­கின்­றனர். காணி உரி­மை­யா­ளர்­களின் அனு­ம­தி­யின்றி அத்­து­மீறி காணி­க­ளுக்குள் நுழைந்து உழவு நட­வ­டிக்­கை­க­ளையும் அவர்கள் மேற்­கொண்டு வரு­கின்­றனர்.
இவை கரும்பு செய்­கைக்­கான காணிகள். நீங்கள் கரும்பு பயிர்ச்­செய்கை மேற்­கொள்­ளத்தான் வேண்டும் என்று காணி உரி­மை­யா­ளர்­களை கட்­டா­யப்­ப­டுத்தியும் வரு­கின்­றனர். எங்­க­ளு­டைய காணி­களில் கரும்புக் கூட்­டு­த்தா­பன அதி­கா­ரிகள் அத்­து­மீறி புகுந்து உழவு நட­வ­டிக்­கை­களை மேற்­கொள்­கின்­றனர். என்று பொலிஸ் நிலை­யத்தில் முறை­யிடச் சென்றால், பொலிஸார் அதை ஏற்க மறுக்­கின்­றனர். இந்தக் காணிகள் கரும்பு செய்­கைக்கு ஏற்­ற­தல்ல. என்று விவ­சாய நிபு­ணர்கள் அறிக்கை வழங்­கி­யி­ருக்­கின்­றார்கள். அதி­கா­ரி­களின் வற்­பு­றுத்­தலின் பேரில் சில விவ­சா­யிகள் கரும்புச் செய்கை மேற்­கொண்டு நட்­ட­ம­டைந்­துள்­ளனர். இது விடயம் தொடர்­பாக கடந்த வாரம் அமைச்சர் கே.வேலா­யு­தத்தை பாரா­ளு­மன்­றத்தில் சந்­தித்து பேச்­சு­வார்த்தை நடத்­தினோம். கரும்பு கூட்­டுத்­தா­பன அதி­கா­ரி­க­ளையும் விவ­சா­யி­க­ளையும் ஒரு இடத்தில் ஒன்­று­கூட்டி இதற்கு தீர்வு காணும்­படி நாங்கள் அமைச்­ச­ரிடம் வேண்­டுகோள் விடுத்­துள்ளோம். அவர் எங்கள் கோரிக்­கையை ஏற்­றுக்­கொண்­டுள்ளார். எங்­க­ளு­டைய பிரச்­சி­னையை அமைச்சர் நன்­றாகப் புரிந்­து­கொண்­டுள்ளார். 
எங்­க­ளது விவ­சா­யி­களின் மொழியை புரிந்­து­கொள்ளக் கூடிய அமைச்­ச­ரொ­ருவர் இப்­போ­துதான் நிய­மிக்­கப்­பட்­டுள்ளார். இந்த அர­சாங்­கத்தில் எங்­க­ளுக்கு பூரண நம்­பிக்­கை­யி­ருக்­கின்­றது. எனவே இந்த விவ­சா­யி­களின் பிரச்­சி­னையை தீர்த்­துக்­கொள்ள முடியும். இந்த அர­சாங்கம் ஸ்திர­மா­ன­தா­க­வி­ருந்தால் எமது அனைத்துப் பிரச்­சி­னை­க­ளுக்கும் தீர்வு கண்­டு­வி­ட­மு­டியும்.
கேள்வி: இந்த தற்­கா­லிக அர­சாங்கம் தமிழ், முஸ்லிம் மக்­களின் பிரச்­சி­னை­க­ளுக்கு தீர்வு காண்­ப­தற்கு முக்­கி­யத்­துவம் அளிப்­ப­தாக பெரும்­பான்­மை­யின கட்­சி கள் குற்றம் சுமத்தி வரு­வ­தையும் காணக் கூடி­ய­தா­க­வுள்­ளதே?
பதில்: இப்­போது இந்த நிலை குறைந்­துள்­ளது. கடந்த வாரம் பாரா­ளு­மன்­றத்தில் நடந்த வாக்­கெ­டுப்பில் பெரும்­பான்­மை­யின கட்­சிகள் அதுவும் மைத்­தி­ரி­பால சிறி­சே­ன­வுக்கு எதி­ராக வாக்­க­ளித்த கட்­சிகள், மேடை­களில் தற்­போ­தைய ஜனா­தி­ப­தியை திட்டித் தீர்த்த கட்­சிகள் அனைத்தும் இந்த வாக்­கெ­டுப்பில் ஒன்று சேர்ந்து வாக்­க­ளித்­தனர். 
கட்­சிகள் ஒன்று சேர வேண்­டிய சந்­தர்ப்பம் இப்­போது ஏற்­பட்­டுள்­ளது. ஏனென்றால், மக்­களின் மன­நி­லையில் மாற்றம் ஏற்­பட்­டுள்­ளது. விமல் வீர­வன்ச, பொது­ப­ல­சேன அமைப்பு போன்­ற­வற்றின் இன­வா­தத்­துக்கு மெரு­கூட்டக் கூடிய தலை­மைத்­துவம் அப்­போது இருந்­தது. அந்த தலை­மைத்­து­வத்தை புரிந்­து­கொண்ட அரச அதி­கா­ரிகள் கூட அதே போக்கை கடைப்­பி­டித்­தனர். சில பத்­தி­ரி­கைகள் சிறு விட­யங்­களைக் கூட ஊதி பெரி­தாக்­கிக்­கொண்­டி­ருந்­தன. அப்­ப­டி­யொரு நிலை இப்­போது இல்லை. இன­வா­தத்தை தூண்டும் கட்­சிகள் அடுத்த பொதுத்­தேர்­தலில் காணாமல் போய் விடும். இவர்கள் மீதான ஊழல் மோச­டிகள் விசா­ர­ணைக்கு வரும் போது இவர்­களின் கதா­நா­யகன் போன்ற மாயை நிலை நீங்­கி­விடும்.
கேள்வி: கிழக்கு மாகா­ணத்தில் ஒரு சில வைத்­தி­ய­சா­லை­களே மத்­திய அரசின் கீழ் இயங்­கு­கின்­றன. பிரதி சுகா­தார அமைச்சர் என்­ற ­ரீ­தியில் வேறு சில வைத்­தி­ய­சா­லை­களை மத்­திய அரசின் கீழ் கொண்டு வந்து அபி­வி­ருத்தி செய்ய திட்­ட­மிட்­டுள்­ளீர்­களா?
பதில்: கடந்த மாதம் கிழக்­கி­லுள்ள சுமார் 60 மாகாண வைத்­தி­ய­சா­லை­க­ளுக்கு விஜயம் மேற்­கொண்டேன். அந்த வைத்­தி­ய­சா­லை­களின் குறை நிறை­களை கேட்­ட­றிந்து ஒரு அறிக்­கை­யொன்றை தயா­ரித்­துள்ளேன். வைத்­தி­ய­சா­லை­களை தரம் உயர்த்தும் நட­வ­டிக்­கை­களை மத்­திய அரசால் மேற்­கொள்ள முடி­யாது. மாகாண அமைச்­சி­லுள்ள அமைச்­ச­ரவை இதற்­கான அங்­கீ­கா­ரத்தை வழங்க வேண்டும். எனது விஜ­யத்தின் போது வடக்கு, கிழக்­கி­லுள்ள வைத்­தி­ய­சா­லைகள் மிக மோச­மாக புறக்­க­ணிக்­கப்­பட்­டுள்­ளன என்­பதை கண்­ட­றிந்­து­கொண்டேன். கொக்­கட்­டிச்­சோலை போன்ற பின்­தங்­கிய பிர­தே­சங்­க­ளி­லுள்ள வைத்­தி­ய­சா­லை­க­ளுக்கும் சென்றேன். எந்­த­வொரு அமைச்­சரும் கால் வைக்­காத வைத்­தி­ய­சா­லை­க­ளுக்கும் விஜயம் செய்தேன். சில வைத்­தி­ய­சா­லை­களில் ஆண் நோயா­ளர்­களும் பெண் நோயா­ளர்­களும் ஒரே வார்ட்டில் தங்க வைக்­கப்­பட்­டி­ருந்­தனர். 
சில வைத்­தி­ய­சா­லை­களில் அகதி முகாம்­களைப் போல் நோயா­ளர்கள் கீழே தரையில் படுக்க வைக்­கப்­பட்­டி­ருந்­தனர். சில இடங்­களில் நோயா­ளர்­களின் மெத்­தைகள் கிழிந்து படு­மோ­ச­மாக காணப்­பட்­டன. இவற்­றுக்கு பெரிய செல­வுகள் ஆக போவ­தில்லை. இவை­ய­னைத்தும் திட்­ட­மிட்ட புறக்­க­ணிப்பு என்றே கரு­த­வேண்­டி­யுள்­ளது. மாகாண அர­சுக்கு இவற்றை சீர்­தி­ருத்த மத்­திய அரசு நிதி ஒதுக்­க­வில்லை. இதற்­கா­க­வேதான் நாங்கள் 13ஆவது அர­சி­ய­ல­மைப்பு திருத்தச் சட்­ட­மூ­லத்தை முழு­மை­யாக அமுல்­ப­டுத்­தும்­படி கோரிக்கை விடுக்­கின்றோம்.
எமது அமைச்சர் 13ஆவது திருத்தச் சட்­ட­மூ­லத்தை முழு­மை­யாக அமுல்­ப­டுத்த வேண்டும் என்­பதை தொடர்ந்தும் வலி­யு­றுத்தி வரு­கின்றார். அவ­ரது அனு­ம­தியின் பேரி­லேயே நான் கிழக்­கி­லுள்ள வைத்­தி­ய­சா­லை­க­ளுக்கு விஜ­யத்தை மேற்­கொண்டேன். நான் வழங்­கிய தக­வல்­களை பார்த்து அவர் ஆச்­ச­ரி­ய­ம­டைந்தார். எனது அறிக்­கையின் அடிப்­ப­டையில் வடக்கு, கிழக்கு வைத்­தி­ய­சா­லை­க­ளுக்கு அதிக நிதியை ஒதுக்­கு­வ­தற்கு நட­வ­டிக்­கை­களை மேற்­கொள்­வ­தாக அவர் என்­னிடம் உறு­தி­ய­ளித்­துள்ளார். அதே போல் வடக்கு மாகா­ணத்­தி­லுள்ள வைத்­தி­ய­சா­லை­க­ளுக்கும் விஜயம் செய்தேன். வடக்கு மாகா­ணத்தில் தேசிய அரசின் கீழ் யாழ்ப்­பாணம் போதனா வைத்­தி­ய­சாலை மாத்­தி­ரமே இருக்­கின்­றது. ஏனைய வைத்­தி­ய­சா­லைகள் அனைத்தும் மாகாண சபையின் கீழ் இயங்­கு­பவை. இந்த வைத்­தி­ய­சா­லைகள் அனைத்தும் மிக மோச­மாகப் புறக்­க­ணிக்­கப்­பட்­டுள்­ளதை இந்த விஜ­யத்தின் போது நேர­டி­யாக அறிந்­துக்­கொண்டோம். 
வவு­னியா, சாவ­கச்­சேரி போன்ற வைத்­தி­ய­சா­லைகள் முறை­யாக பரா­ம­ரிக்­கப்­ப­டு­கின்­றன. வவு­னியா வைத்­தி­யசாலை வட மாகாண சபையின் கீழ் இயங்­கிய போதும் மத்­திய அர­சி­ட­மி­ருந்து பல உத­விகள் வழங்­கப்­ப­டு­கின்­றன. இதை நான் ஒரு குறை­யாக சொல்­ல­வில்லை. இதே போல் மன்னார் வைத்­தி­ய­சா­லைக்கும் மத்­திய அரசு உத­வி­களை வழங்­கி­யி­ருக்க வேண்டும். மன்னார் ஒரு மாவட்­டத்தின் தலை­நகர். அங்கு தமி­ழர்­களும், முஸ்­லிம்­களும் பெரும்­பான்­மை­யாக வாழ்­கின்­றனர். 
இதனால் தான் அந்த வைத்­தி­ய­சாலை புறக்­க­ணிக்­கப்­ப­டு­கின்­றதோ என எண்­ணத்­தோன்­று­கின்­றது. கிழக்கில் மகா­ஒயா என்ற இடம் ஒரு சிறிய பிர­தே­ச­மாகும். இங்­குள்ள வைத்­தி­ய­சா­லைக்கு பாரிய வசதிகள் ஏற்படுத்திக்கொடுக்கப்பட்டுள்ளன. சுகாதார சேவைகளில் பாராபட்சம் காட்டக் கூடாது என்பதே எனது நிலைப்பாடு ஆகும்.

Post a Comment

 
Top