நிந்தவூர் அட்டப்பள்ளத்தில் வாகன விபத்து ஒருவர் உயிரிழப்பு ஒருவர் படுகாயம்

சம்மாந்துறை  பொலிஸ்  பொலிஸ்  பிரிவுக்குட்பட்ட அட்டப்பள்ளம் எனுமிடத்தில் நடைபெற்ற வாகன விபத்தில் ஒருவர் மரணம் மற்றும் ஒருவர் படுகாயம் அடைந்து நிந்தவூர் மாவட்ட வைத்திய சாலையில் மரணித்தவரின் சடலமும் காயமடைந்தவரும் அனுமதிக்கப் பட்டுள்ளன.

நேற்று 07 இரவு தம்புள்ளையில் இருந்து மரக்கறி ஏற்றி வந்த லொறி அட்டப்பள்ளம் பெரியபாலத்தில் மோதி இந்த விபத்து ஏற்பட்டுள்ளது. இரவு 11.00 மணிக்கு இடம் பெற்ற சம்பவத்தில் பலியானவர் 48 வயதான அக்கரைப்பற்றை சேர்ந்த இப்ராஹீம் லெப்பை அப்துல் மஜீத் என்பவராவார் . காயமடைந்தவர் அக்கரைப்பற்றை சேர்ந்த வெள்ளத்தம்பி ரஹீம் என்பவராகும்.

இந்த விபத்து தொடர்பாக சம்மாந்துறை பொலிசார் விசாரணை செய்கின்றனர்  வேக கட்டுப்பாட்டை மீறியே இந்த விபத்து இடம் பெற்றுள்ளதாக பொலிசாரின் ஆரம்ப விசாரணைகளை தெரிவிக்கப்பட்டுள்ளது. காயம் அடைந்து வைத்தியசாலையில் அனுமதிக்கப் பட்டுள்ள ரஹீம் என்பவரே வாகனத்தை செலுத்தி வந்ததாக சம்மாந்துறை பொலிசார் தெரிவிக்கின்றனர்.

கல்முனை கார்மேல் பற்றிமா தேசிய பாடசாலை வருடாந்த இல்ல விளையாட்டுப் போட்டி

கல்முனை கார்மேல் பற்றிமா தேசிய பாடசாலை வருடாந்த இல்ல விளையாட்டுப் போட்டி வியாழக் கிழமை (06) கல்லூரி முதல்வர் அருட் சகோதரர் ஸ்டீபன் மத்தியு  தலைமையில்  கல்லூரிமைதானத்தில்  சிறப்பாக நடை பெற்று  முடிந்தது.

இவ்விளையாட்டு விழாவில்   கிழக்கு மாகாண  ஆளுநர் ரியர் அட்மிரல் மொஹான் விஜயவிக்கிரம பிரதம அதிதியாகவும் , கௌரவ அதிதியாகவும் ,சிறப்பு அதிதிகளாகவும்   கிழக்குமாகாண  கல்வி அமைச்சின் செயலாளர் என்.ஏ.ஏ.புஸ்பகுமார , கிழக்குமாகாண  கல்விப் பணிப்பாளர் எம்.ரீ .ஏ.நிஸாம் ,கல்முனை வலயக்கல்விப்பணிப்பாளர் எம்.எஸ்.அப்துல் ஜெலீல் ,சம்மாந்துறை வலயக் கல்விப் பணிப்பாளர் எம்.எஸ்.எஸ்.நஜீம் ,முன்னாள் வலயக்கல்விப் பணிப்பாளர் யு.எல்.எம்.ஹாசீம்  உட்பட பிரதிக்கல்விப் பணிப்பாளர்கள் , அதிபர்கள் ஆசிரியர்கள் பெற்றோர்கள் என ஏராளமானோர் கலந்து சிறப்பித்தனர் .

நடை பெற்று முடிந்த விளையாட்டுப் போட்டியில்  392 புள்ளிகளைப் பெற்று மேபிள்  இல்லம்  முதலாவது இடத்தையும் ,374 புள்ளிகளைப் பெற்று இமானுவல் இல்லம்  இரண்டாவது இடத்தையும் ,356 புள்ளிகளைப் பெற்று மத்தியு  இல்லம் மூன்றாவது இடத்தையும் ,278 புள்ளிகளைப் பெற்று  டொறதியா  இல்லம் நான்காவது இடத்தையும் பெற்றுக் கொண்டன .

முதல் மூன்று இடங்களுக்குமான வெற்றிக் கேடயங்களை  நிகழ்வில் பிரதம அதிதியாக கலந்து கொண்ட கிழக்குமாகான ஆளுநர் ரியர் அட்மிரல் மொஹான் விஜயவிக்கிரம வழங்கி வைத்தார் .

புலமைப்பரிசில் வழங்குவதற்க்கான நேர்முகப்பரிட்சையும், விழிப்பூட்டல் கருத்தரங்கும்

(அப்துல் அஸீஸ்)

கல்முனை பிரதேச செயலக பிரிவுக்குட்பட்ட உயர்தரம் கற்க்கும் சமுர்த்தி உதவி பெரும் மாணவர்களுக்கு  புலமைப்பரிசில் வழங்குவதற்க்கான நேர்முகப்பரிட்சையும், விழிப்பூட்டல் கருத்தரங்கும் நேற்று  (04) கல்முனை பிரதேச செயலக மண்டபத்தில் இடம்பெற்றது .

இதில் மாணவர்களின் எதிர்கால முன்னெடுப்புகள் தொடர்பாக விழிப்பூட்டப்பட்டதுடன், 2வருடம்களுக்கு மாதாந்தம் 1000ரூபா வீதம்  புலமைப்பரிசில் கொடுப்பணவு வழங்குவதற்க்கான நேர்முகப்பரிட்சையும்  இடம்பெற்றது .

சமுர்த்தி தலைமைபீட முகாமையாளர் எ.ஆர்.எம். சாலிஹ்  தலைமையில் இடம்பெற்ற  இன் நிகழ்வுகளில்   கல்முனை அல்-பஹ்ரியா மாக வித்தியாலய அதிபர் எம்.ஐ.அப்துல் ரசாக்,  பிரதேச செயலக நிர்வாக உத்தியோகத்தர் எம்.எ.எம்.எச்.மனாஸ் , மேலதிய மாவட்ட பதிவாளர் எஸ்.சைலஜா, சமுக பாதுகாப்பு நிதி பகுதிக்கான உத்தியோகத்தர் எம்.ஐ.எம்.மாஹிர் ஆகியோர்கள் கலந்துகொண்டனர். 

 

சம்மாந்துறை புதிய பணிப்பாளர்

சம்மாந்துறை வலயக்  பணிப்பாளராக  கல்முனை வலயக்கல்வி அலுவலகத்தில் பிரதிகல்விப் பணிப்பாளராக கடமை புரிந்த
   மருதமுனையை சேர்ந்த எம்.எஸ்.சஹ்துல்  நஜீம் நியமனம் செய்யப்பட்டு

இன்று 03.03.2014 சம்மாந்துறை வலயக்கல்வி அலுவலகத்தில் கடமை பொறுப்பு  ஏற்றார்  அவரை முன்னாள் வலயக்கல்விப் பணிப்பாளர் யு.எல்.எம்.ஹாசீம் உட்பட அதிகாரிகள் வரவேற்றனர்.

8வயது பாலகிக்கு 53 கிழவனால் பாலியல் துன்புறுத்தல்

53 வயது முதியவரால்  8வயது சிறுமி  பாலியல் துஸ்பிரயோகத்துக்கு உட்படுத்தப் பட்ட சம்பவம் கல்முனை பொலிஸ் பிரதேசத்தில் இடம்பெற்றுள்ளது. பாதிக்கப்பட்ட சிறுமி கல்முனை பிரதேசத்தில் உள்ள வைத்திய சாலை ஒன்றில் சிகிச்சைக்குட்படுதப்பட்டுள்ளார் .

இந்த சம்பவம் நேற்று  கல்முனையில் இடம் பெற்றுள்ளது . பாலியல் குற்றம் புரிந்தவர் என்ற சந்தேகத்தில் 53 வயதான அந்த முதியவர் கல்முனை பொலிசாரினால்  கைது செய்யப்பட்டு விச்சாரணையின் பின்னர் இன்று  வியாழக்கிழமை கல்முனை நீதிவான் நீதிமன்ற நீதிபதி ஏ.யூட்சன் முன்னிலையில் ஆஜர் படுத்தப் பட்டதாக கல்முனை பொலிசார் தெரிவித்தனர். கைது செய்யப்பட்டவர் கல்முனை மாநகர சபையில் சுகாதார தொழிலாளியாக பணி  புரிகின்றவர் என தெரிவிக்கப் பட்டுள்ளது

.கல்முனையில் புதிய நிருவாகிகளுக்கு பாராளுமன்ற உறுப்பினர் ஹரீஸ் வாழ்த்து

கல்முனை பிரதேச செயலகத்தின் புதிய பிரதேச செயலாளராக கடமையேற்றுள்ள ஐ.எம்.ஹனீபா அவர்களுக்கு திகாமடுல்ல  மாவட்டப் பாராளுமன்ற உறுப்பினரும்  கல்முனைத் தேர்தல் தொகுதி அபிவிருத்திக் குழுத் தலைவருமான எச்.எம்.எம். ஹரீஸ் தனது வாழ்த்துக்களைத் தெரிவித்துள்ளார்.

பாராளுமன்ற உறுப்பினர் தனது வாழ்த்துச் செய்தியில் மேலும் தெரிவித்திருப்பதாவது,

எமது பிரதேச அபிவிருத்தியிலும் மக்களின் குறைகளை தீர்த்து வைப்பதிலும் அதிக அக்கறை கொண்டு செயற்படுவர் பிரதேச செயலாளர் ஐ.எம்.ஹனீபா. இவர் கல்முனை மக்களின் குறைகளை தீர்ப்பதிலும், பிரதேசத்தின் அபிவிருத்தியிலும் முழு அர்ப்பணிவுடன் செயற்படுவார் என்ற நம்பிக்கை எனக்குண்டு.எனத் தெரிவித்துள்ளார்.

இதேவேளை கல்முனை பிராந்திய சுகாதார சேவைகள் பணிப்பாளராக புதிதாக கடமைகளை பொறுப்பேற்றுள்ள டாக்டர் ஏ.எல் அலாவுதீன் அவர்களுக்கும் தனது வாழ்த்துக்களைத் தெரிவித்துள்ளார்.

கல்முனை கரையோர மாவட்ட பிரதேச சுகாதார மேன்பாட்டுக்காக இவர் செயற்படுவார் என்ற நம்பிக்கையும் எனக்குண்டு.

என்னால் கல்முனை பிராந்தியத்தில் முன்னெடுக்கப்பட்டு வரும் அபிவிருத்தித் திட்டங்களுக்கு இவ்விரு உயா் அதிகாரிகளின் வருகை மேலும் வலுச்சோ்க்கும் என நம்புகின்றேன். என்றும் தனது வாழ்த்துச் செய்தியில் குறிப்பிட்டுள்ளார்

தபால் வாக்காளர்களுக்கு நாளை மறுதினம் வாக்காளர் அட்டை விநியோகம்

மேல் மற்றும் தென் மாகாண சபைத் தேர்தலில் தபால் மூலம் வாக்களிப்பதற்கான வாக்காளர் அட்டைகள் நாளை மறுதினம் 28ஆம் திகதி விநியோகிக்கப்படும் என தேர்தல் திணைக்களம் தெரிவித்துள்ளது.

தபால் மூல வாக்களிப்பு மார்ச் 13ஆம், 14ஆம் திகதிகளில் இடம்பெறவுள்ளது.

125,000 அரசாங்க உத்தியோகஸ்தர்கள் இம்முறை தபால் மூலம் வாக்களிக்கத் தகுதி பெற்றுள்ளதாக அறிவிக்கப்பட்டுள்ளது.

தேசத்துக்கு மகுடம் கண்காட்சி மார்ச் முதலாம் திகதி வரை நீடிப்பு!

குளியாப்பிட்டியில் மிகவும் பிரமாண்டமான முறையில் இடம்பெற்று வரும் தேசத்திற்கு மகுடம் தேசிய அபிவிருத்திக்கண்காட்சி மேலும் இரண்டு நாட்களுக்கு நீடிக்கப்பட்டுள்ளது.

இதன்படி எதிர்வரும் 27ம் திகதியுடன் நிறைவு பெறவிருந்த தேசத்திற்கு மகுடம் தேசிய அபிவிருத்திக் கண்காட்சி மார்ச் மாதம் முதலாம் திகதி வரை நீடிக்கப்பட்டுள்ளதாக கண்காட்சி ஏற்பாட்டுக் குழுவின் தலைவரும், தொலைத் தொடர்புகள் மற்றும் தகவல் தொழில்நுட்பத் துறை அமைச்சருமான ரஞ்சித் சியம்பலாபிட்டிய தெரிவித்தார்.

அரசியல் தலைவர்கள், சமய தலைவர்கள், விஷேடமாக பாடசாலை மாணவ மாணவிகளின் வேண்டுகோளை அடுத்தே, தேசத்திற்கு மகுடம் தேசிய அபிவிருத்திக்கண்காட்சியை மேலும் இரண்டு நாட்களுக்கு நீடிக்க தீர்மானித்ததாக அவர் மேலும் தெரிவித்தார்.

அம்பாறை மாவட்ட ஊடகவியலாளர் சம்மேளனத்தின் ஊடக சங்கமம்

அம்பாறை மாவட்ட ஊடகவியலாளர் சம்மேளனத்தின்  ஊடக சங்கமம் ஓன்று கூடல் நிகழ்ச்சி எதிர்வரும் 01.03.2014  சனிக்கிழமை  காலை 8.00 மணிக்கு மருதமுனை அல் -மதீனா வித்தியாலயத்தில்  நடை பெறவுள்ளது. கடந்த 2013.12.01 ஆந்திகதி நடை பெறவிருந்த  இந்த நிகழ்வு கல்விப் பொது தராதர பரீட்சை காரணமாக பிற்போடப்பட்டிருந்தது.

அம்பாறை மாவட்ட ஊடகவியலாளர் சம்மேளனத்தின் தலைவர் கலாபூசணம்  மீரா எஸ்.இஸ்ஸடீன் தலைமையில்  இடம் பெரும் நிகழ்வில் ஊடக குடும்பத்தவர்களின் விளையாட்டு கலாச்சார நிகழ்வுகள் நடை பெறவுள்ளன . அன்றைய தினம் சம்மேளனத்தின் மாதாந்த கூட்டம் மு.ப.11.00 மணி முதல் 12.00 மணி வரை நடை பெறவுள்ளதாக சம்மேளனத்தின் செயலாளர் ஐ.எல்.எம். ரிஸான்  தெரிவித்துள்ளார் .

சங்கம நிகழ்வில் காலை உணவு ,மதிய உணவு, இருநேர தேநீர் உபசரணைகள் ஏற்பாடு செய்யப்பட்டுள்ளதால் ஊடக சம்மேளனத்தின் அங்கத்தவர்கள் தங்களது குடும்பத்தவர்களின் விபரங்களை சம்மேளன பொருளாளர் பீ.எம்.எம்.ஏ.காதரிடம் 0772612095 இலக்க  தொலை பேசி மூலம் உறுதிப் படுத்திக் கொள்ளுமாறு சம்மேளனத்தின் செயலாளர் ரிஸான்  கேட்டுள்ளார்.

சாய்ந்தமருது கடற்கரையில் மர்மப் பொருள்

சாய்ந்தமருது கடற்கரையில் (பௌசி மைதானம் அருகில்) இன்று காலை மர்மப் பொருள் ஒன்று மீனவர்களால் கண்டெடுக்கப்பட்டது. சிலிண்டர் வடிவில் காணப்பட்ட குறித்த பொருளின்மூடியின் உட்பாகத்தில் அடைக்கப்பட்டு கிளிப் பொருத்தப்பட்டு காணப்பட்டதனால் இது ஒரு வெடிக்கும் பொருளாக இருக்கலாமென சந்தேகித்த மீனவர்கள் பொலிசாருக்கு தகவல் தெரிவித்தனர்.
இதனைத் தொடர்ந்து சம்பவ இடத்துக்கு விரைந்த கல்முனை பொலிசாரும், மருதமுனை  விசேட அதிரடிப்படையினரும் குறித்த பொருள் தொடர்பாக
ஆராய்ந்து வருகின்றனர்.

தொழில் நுட்ப சமுக சீர்கேடு

அறிவாற்றலை அபிவிருத்தி செய்யப் பயன் படுத்தப்படுகின்ற தகவல் தொழில் நுட்பம் உயிரை மாய்க்கின்ற சாதனமாகவூம் கொள்ளை கொலைக்கான ஆயூதங்களாகவூம் பயன் படுத்தப்படுவது கவலை தருவதாக கல்முனை பொலிஸ் நிலையப் பொறுப்பதிகாரி ஏ.டபிள்யூ.ஏ.கப்பார் தெரிவித்தார்.

நாட்டில் இடம் பெறுகின்ற குற்றச் செயல்களை தடுத்து நிறுத்தும் வகையில் சிவில் பாதுகாப்பு குழுக்களை உசார் நிலையில் வைத்திருப்பதற்கான திட்டத்தின் அடிப்படையில் கல்முனை பொலிஸ் பிரிவூக்குட்பட்ட  கல்முனைஇசாய்ந்தமருதுஇகல்முனைக் குடிஇநற்பிட்டிமுனை இசேனைக் குடியிருப்பு இபாண்டிருப்புஇ மருதமுனை இபெரியநீலாவணை கிராமங்களில்  இயங்கும் சிவில் பாதுகாப்புக் குழுக்களுக்கான விழிப்பூட்டல் நிகழ்வூ

இன்று 25.02.2014 கல்முனை பொலிஸ் நிலையப் பொறுப்பதிகாரி ஏ.டபிள்யூ.ஏ.கப்பார் பொலிஸ் நிலையத்தில் நடை பெற்றது.
அவர் அங்கு தொடர்ந்து உரையாற்றுகையில் பிள்ளைகளை வழிகெடுப்பதில் பெற்றௌரின் பங்கு அதிகம் காணப்படுகிறது. பிள்ளைகளுக்கு கையடக்க தொலைபேசியை பெற்றௌரே கொடுக்கின்றனர் அதன் மூலம் பிள்ளைகள் தவறான வழியை சென்றடைந்த பின்னர் கவலை படுவதில் அர்த்தமில்லை.
இரவூ வேளையில் பாடசாலை மாணவர்கள்  வீதிகளில் கைத் தொலைபேசியூடன் நடமாடுகின்றனர் இவர்களை கட்டுப்படுத்துகின்ற பொறுப்பு பெற்றாரிடம் இருந்தும் அவர்களை கண்டிக்காமல் இருப்பது கவலை தருகிறது. சமீபத்தில் கல்முனை பிரதேசத்திலுள்ள பாடசாலை மாணவன் ஒருவன் நள்ளிரவூ 2.00 மணிக்கு தனது காதலியை சந்திப்பதற்கு சென்று எம்மால் கைது செய்யப்பட்டு விடுவிக்கப்பட்ட சம்பவங்களும் இடம் பெற்றுள்ளன என்று அவர்  தெரிவித்தார்.